Aktualisht, jemi të angazhuar në zgjerimin gradual drejt tregjeve të tjera rajonale, me synimin për të sjellë cilësinë dhe profesionalizmin tonë në një gamë më të gjerë klientësh në Ballkan dhe më gjerë. Eksporti nuk është vetëm një zgjerim i shtrirjes sonë, por një vazhdimësi e angazhimit për të ofruar vlera të qëndrueshme, kudo ku kërkohet cilësi e lartë dhe shërbim i besueshëm.
Historia e Proinox Albania nuk fillon me një kompani të madhe, por me një njeri të vetëm, një automjet dhe një përkushtim të palëkundur për t’i shërbyer tregut. Në fillim të viteve 2000, themeluesi ynë nisi të transportonte vetë materiale industriale drejt klientëve – me dorë, me mund, me vullnet. Ishte një periudhë sfiduese, por gjithçka ndërtohej mbi besim dhe fjalën e dhënë. Çdo dorëzim, çdo kontakt me klientin ishte një mësim. Pikërisht në këtë përvojë praktike u formësuan themelet e vlerave që sot udhëheqin kompaninë tonë: përkushtimi ndaj cilësisë, ndershmëria në bashkëpunim dhe respekti për çdo partner. Në vitin 2008, ky rrugëtim mori trajtë më të strukturuar me hapjen e dyqanit të parë fizik. Ishte një hap i natyrshëm – nga një aktivitet i vetmuar dhe intensiv në terren, drejt një pike të qëndrueshme ku klientët mund të gjenin produktet, këshillimin dhe shërbimin që kishin kërkuar ndër vite. Sot, Proinox Albania është shumë më tepër se një furnitor. Jemi një partner strategjik për klientët që kërkojnë produkte inox të nivelit të lartë dhe një shërbim që nuk njeh kompromis. Me përvojë të konsoliduar prej mbi 25 vitesh në treg, kemi krijuar një strukturë moderne dhe të organizuar që ofron zgjidhje të personalizuara për industri të ndryshme – nga energjia dhe ndërtimi, te përpunimi ushqimor dhe teknologjia. Rruga jonë nuk ka qenë e shpejtë, por gjithmonë e qëndrueshme. Çdo etapë e rritjes sonë është ndërtuar mbi përvojë reale, punë të ndershme dhe marrëdhënie të qëndrueshme me klientë dhe bashkëpunëtorë. Cilësia nis nga burimi. Ne bashkëpunojmë ekskluzivisht me prodhues lider në fushat e tyre, të cilët përfaqësojnë burimin e parë të materialeve – kompani me ekspertizë të thellë, procese të certifikuara dhe standarde të avancuara të prodhimit. Këto partneritete strategjike na mundësojnë të ofrojmë një zinxhir furnizimi të dinjitoz, të transparent dhe të besueshëm. Ne i konsiderojmë këto marrëdhënie si një zgjerim natyral i filozofisë sonë: të ofrojmë vetëm atë që do të përdornim vetë – nga burime të sigurta, me reputacion dhe integritet të padiskutueshëm. Përveç prezencës së qëndrueshme në tregun vendas, Kompania tashmë ofron kapacitete të plota= për eksport në vendet fqinje, duke shërbyer me efikasitet dhe besueshmëri për klientë jashtë kufijve. Me një infrastrukturë të përshtatur për logjistikë ndërkombëtare dhe një rrjet bashkëpunëtorësh të konsoliduar, kompania është e pozicionuar për të mbuluar në mënyrë efektive tregjet e afërta.